Në Maqedoni, ish-ministri i Transportit, Mile Janakieski dhe ish-sekretari i qeverisë Kiril Bozinovski, janë arrestuar.
Ata u arrestuan mbrëmë me kërkesë të prokurorisë speciale dhe vendim të Gjykatës Penale, e më pas janë dërguar në burgun e Shutkës.
Arrestimi ka ardhur si rezultat i arratisjes së ish-kryeministrit maqedonas, Nikolla Gruevski, jashtë vendit pas vendimit për ta çuar në burg.
Për të shmangur një largim të mundshëm të tyre, policia i ka çuar pas hekurave. Mile Janakieski dje tha se nuk e përkrah ikjen e Gruevskit.
Gruevski u arratis në Budapest dhe dje në një postim në “Facebook” shkruante se ka kërkuar azil në Hungari duke qenë i dënuar me 2 vite burg nga Gjykata Penale.
