Zjarret në Kaliforni kanë shkaktuar rreth 42 të vdekur, 200 të zhdukur dhe shumë dëme materiale. Pjesë e kësaj katastrofe është bërë edhe ish miss Fotozhenia Valbona Çoba, shtëpia e së cilës është shkrumbuar.
Lajmin e ka bërë të ditur pak ditë më parë, nëna e saj nëpërmjet një postimi në Facebook. Ajo ka postuar disa foto të shtëpisë dhe përbri shkruan: “Vetëm mbrëmë, kjo ishte shtëpia e vajzës sime të shtrenjtë Valbona Coba që gumëzhinte nga të qeshurat, lojrat e tre engjëjve të saj, tre perëndive të mia.
Ishte një fatkeqesi natyre në të gjitha dimensionet.Të gjithë qane, Valbona ishte me e tronditura…po digjej një shtëpi e tërë, vite të tëra të saj si nënë, gjëra të dashura private, kujtime. Ajo që duhej të qante e fundit isha une…qava,e lashë veten me dëshirë të ndihej aq keq, sa ishte realiteti. E rëndësishme është…të gjithë janë mire!”
