Për Admir Delajn u vendos masa e sigurisë 'Arrest me burg'.
44-vjeçari është autor i vrasjes së kreut të njësisë administrative Kotë në Selenicë, Fatmir Hodo tre ditë më parë.
Ngjarja e rëndë ndodhi në lokal, ku dy personat pasi kishin konsumuar pije alkolike bashkë, dyshohet se janë zënë për një konflikt të momentit. Dyshohet se ato janë konfliktuar për çështje pronësie.
Në hyrje të një lokali në Kotë të Selenicës, rreth orës 14:55, Admir Delaj qëlloi me armë gjahu ndaj Fatmir Hodos, duke e lënë këtë të fundit të vdekur.
44-vjeçari u arrestua nga policie pas një ore ndjekje. Admir Delaj u arrestua në dalje të banesës, ku kishte mbyllur makinën dhe po tentonte të largohej.
©Lapsi.al
