Ish presidenti, Alfred Moisiu deklaoroi se Presidenti Meta kësaj rradhe do ta dekretojë Sandër Lleshin si ministër të Brendshëm pasi ka pasur kohë për të verifikuar figurën e tij.
I pyetur nëse presidenti Meta ka shkelur Kushtetutën, Moisiu u shpreh se presidenti i Republikës nuk është vetëm një noter.
“Mendoj që kësaj here presidenti ka pasur kohë për ta verifikuar. Ka pasur kohë për të reflektuar mbi të gjitha zhvillimet që kanë ndodhur sepse mesa duket procedurat kane pasur defektet e tyre siç duket dhe tani çdo gjë po shkon ne vendin e vet”-tha Alfred Moisiu nga Korça, aty ku po merr pjesë në një aktivitet me rastin e 100 vjetorit të armëpushimit të Luftës së Parë Botërore.
