Aventura e Medhi Benatia tek Juventus është në fund. Mbulimi që i bëri tekniku Allegri në konferencën për shtyp përpara ndeshjes së Champions ndaj Manchester United, se ndonjë shfryrje e momentit lejohet, nuk e fsheh dot faktin se mbrojtësi është i lodhur nga pankina. "31 vjec nuk është e bukur të luash kaq rrallë, sepse pa vazhdimësi nuk mund të përmirësohesh" kishte shprehur marokeni, duke marrë përgjigjen e Allegri: "Është e pranueshme, për ne është i rëndësishëm".
Pavarësisht cdo gjëje, Benatia ka përfunduar në merkato dhe e ardhmja e tij mund të projektohet tek Milan: madje shitja e tij në janar me formulën e huazimit, për të lehtësuar kuqezinjtë në termat e fairplay financiar, me të drejtën e blerjes të fiksuar në 15 milionë po bëhet gati një ide fikse tek kuqezinjtë.
Milan duhet të ruhet vetëm nga konkurenca, sepse Benatia ka të interesuar dhe më insistuesi është Manchester United, që duke shfrytëzuar raportet e mira me Juventus mund të ndërhyrjë. Në anën tjetër, Milan mund të jetë destinacioni i preferuar i Benatia sepse aty mund të kthehet të luajë titullar në krah të Romagnoli dhe në këtë moment Gattuso ka nevojë për një mbrojtës të besueshëm.
Numerikisht Juventus do të gjendej me një lojtar pankine më pak, por Fabio Paratici prej kohësh ka hedhur sytë tek Matthijs de Ligt, 19 vjec, kapiten i Ajax. Hollandezi kushton 50 milionë euro, por është konkurenca e Barcelonës që shqetëson bardhezinjtë, që ndërkohë kanë në fokus Leonardo Balerdi, i Boca Juniors, (15 milionë vlerësimi) dhe Joachim Andersen, 22 vjec, zbulimi danez i Sampdorias.
