Policia e Tiranës njoftoi një tjetër arrestim në kuadër të operacionit "Ndëshkimi i të fortëve" ku kanë rënë në pranga 3 persona nga të cilët 2 janë vëllezër. Policia thotë se janë arrestuar Kastriot Gazidede, 26 vjeç dhe vëllai i tij S. G., 16 vjeç, të dy banues në Tiranë.
Arrestimi i tyre u bë pasi në Pezë Helmës gjatë kontrollit të ushtruar nga shërbimet e Komisariatit të Policisë Nr.5, në mjetin tip “Mercedes Benz” të cilin e drejtonte Kastriot Gazidede dhe ku pasagjer ishte vëllai i tij u gjetën 17 kallëpe tritoli, një armë zjarri automatikë dhe 1.2 kg lëndë e dyshuar narkotike Cannabis Sativa.
Në pranga u vu edhe Lulzim Aruci, 45 vjeç, banues në Shtish. Kjo për shkak se gjatë kontrollit të ushtruar në banesën e tij nga shërbimet e Komisariatit të Policisë Nr.4, u gjet një armë zjarri automatik. ©LAPSI.al
https://www.youtube.com/watch?v=9vxueXQaYFk&feature=youtu.be
