Lajme të këqija për Milan, sepse duket më i rëndë se parashikohej dëmtimi në pulpën e djathtë i Lucas Biglia. Rezonanca magnetike të cilës i është nënshtruar mesfushori kuqezi ka evidentuar "lesion të muskulit binjak të pulpës së djathtë". Argjentinasi, që doli me paterica nga stërvitja përpara ndeshjes kundër Genoa, rrezikon të qendrojë jashtë fushave për të paktën 6 javë, deri në maksimumi 8.
Kështu e sigurtë mungesa e Biglias për ndeshjet kundër Juventus e Lazio, që janë në një moment shumë delikat të sezonit të Milan që aktualisht është në vendin e katërt bashkë me bardhekaltrit. Kuqezinjtë shpresojnë që prognoza të jetë inferiore ndaj parashikimit, por do të mësohet në testet që do të kryhen pas rreth 15 ditësh.
Ndërkohë, Andrea Conti do të luajë me skuadrën e të rinjve, ndërsa Gennaro Gattuso shpreson të rikuperojë 100% të paktën Hakan Calhanoglu e Franck Kessié, që të mërkurën kanë shtrënguar dhëmbët, por mbi të gjithë Giacomo Bonaventura, për transfertën e Udines.
