Taulant Muka, studiuesi shqiptar që denoncoi plagjiaturën e zv.ministrit të Arsimit Ervin Demo dhe deputetes së PS-së, Blerina Gjylamenti ka zënë vendin e njërit prej personave që demaskoi, atë të zv.ministrit të Arsimit.
Vendimi është marrë në mbledhjen e qeverisë, ku Taulant Muka është përzgjedhur për të zëvëndësuar Ervin Demon, që dha dorëheqjen pak kohë më parë. Ndërkohë Blerina Gjylameti, deputete dhe kryetare e degës së PS-së për Tiranën ka heshtur për akuzën dhe ndryshe nga Ervin Demo ka vendosur t'i mbajë të gjitha ofiqet partiake.
