Prokuroria e Krimeve të Rënda ka vendosur që trupi i ekstremistit grek Konstandinos Kaçifas të mos varroset deri në përfundim të autopsisë së trupit të tij nga një grup ekspertësh të ngritur nga Isntituti i Mjekësisë Ligjore.
Vendimi është marrë me qëllim që të plotësohet kërkesa dhe të hiqen dyshimet e familjes për mënyrën e vrasjes së tij nga forcat RENEA në Bularat të Gjirokastrës ditën e diel.
Prokuroria e mori vendimin pasi familja Kaçifa kërkoi ta bëntë ekspertizën me një mjek grek.
Avokati grek i familjes Kaçifa në një deklaratë që dha dje para mediave tha se ai dhe ekperti grek ishin lejuar vetëm 5 minuta për ta parë kufomën. Ata kishin vërejtur se plagët e plumbave ishin qepur dhe kufoma ishte larë, duke ngritur kështu dyshimet se autoritete shqiptare po i mbulonin provat e vrasjes së minoritarit.
