Një traget pasagjerësh, u përplas me një vinç ngarkimi në portin e Barcelonës, këtë të mërkurë, si pasojë e motit të keq, duke shkaktuar një zjarr, i cili aktivizoi një alarm për kimikate të rrezikshme. Një zëdhënëse e qytetit të Barcelonës, tha, se askush nuk u lëndua në aksident dhe zjarrfikësit e qytetit njoftuan se zjarri ishte shuar disa orë pas përplasjes. Zëdhënësja e cila nuk ishte autorizuar të indetifikohej me emër në mediat lokale, u shpreh se në vendin e ngjarjes mbërritën forca të shumta zjarfikësesh dhe ambulanca. Gjithashtu, theksoi se flaka vinte nga katër kontejnerë që ranë nga përplasja e tragetit, të cilave ju vendos menjëherë shkumë pasi disa prej tyre përmbanin kimikate të rrezikshme. Departamenti i mbrojtjes civile, aktivizoi një alarm për ndotjen e mundshme të detit. Grandi Navi Veloci, kompania italiane që zotëron tragetin, tha në një deklaratë se erërat e forta dhe rrymat e detit penguan anijen që të dilte, duke e shtyrë ate drejt përplasjes. Tragati, i cili ishte 200 metra i gjatë, mbante pasagjerë dhe automjete, tha GNV.
