Dy të rinj u arrestuan në afërsi të fshatit Dishnicë të Korçës pasi u kapën me rreth 800 kg mish kontrabandë.
Në flagrancë u arrestua Enri Koxha, 28 vjeç dhe Mihal Simaku, 22 vjeç, të dy banues në Korçë.
Arrestimi i tyre u bë pasi në rrugën Bilisht-Korçë u kapën me makinë tip “Benz” duke transportuar një sasi prej 790 kg mishi, të dyshuar si kontrabandë pa dokumentacionin përkatës.
Ata do të hetohen nga Prokuroria e Korçës për veprat penale “Prodhimi i kundërligjshëm i artikujve dhe mallrave industrial dhe ushqimorë” dhe “Kontrabanda me mallra të licencuara”.
