Zv.kryetari i LSI-së Luan Rama deklaroi se për politikën shqiptare nuk duhet të ketë rëndësi se kur do të vendoset data e zgjedhjeve vendore, por pastrimi i këtij procesi nga krimi.
Në një prononcim për gazetarët pak pas mbarimit të takimit konsultativ me presidentin Ilir Meta për caktimin e datës së zgjedhjeve të 2019-ës, Rama tha se ai ndau me presidentin shqetësimin e LSI-së.
“Unë ndava me të shqetësimin e LSI se problemi i zgjedhjeve në Shqipëri nuk është data, por pastrimi i zgjedhjeve nga interferenca dhe lobimi nga grupet kriminale. Problem ka qenë dhe blerja e zgjedhjeve dhe ka qenë në kolaps. Një pushtet që buron nga veprimtaria kriminale, do i kthejë reston grupeve kriminale" - u shpreh Luan Rama.
Ndërkohë, në emër të socialistëve, Taulant Balla tha sot pas takimit me Metën se alternativat për caktimin e datës për Vendoret janë dy të dielat e fundit të qershorit të 2019-ës.
