Në vijim të luftës kundër drogës, policia e Shteti ka goditur një tjetër tentativë për trafik të lëndë narkotike të forta në Kakavijë.
Makina 'Mercedes Benz’, me targa AA216TF, me drejtues 46-vjeçarin Selim Lazaj, banues në Patos, Fier u ndalua për kontroll në Kakavijë.
Duke përdorur edhe skanerin, u konstatua se në baterinë e makinës, gjendeshin të fshehura dy pako të mbështjella me natriban të dyshuara me lëndë narkotike të llojit Kokainë.
Nga peshimi i pakove rezultoi se brenda tyre kishte një sasi prej 3 kilogramë e 545 gramë lëndë narkotike të dyshuar Kokainë, e cila u sekuestrua në cilësinë e provës materiale.
