Ende pa u dekretuar flet ministri i ri i Brendshëm: Si kam punuar me Tahirin dhe Xhafajn
Po ti shtosh këtyre rrëfimin për edukimin Spartan, pasionin për librat që e tejkalon atë për armët, dëshirën për të shkruar, madje edhe kur ka mendime të diskutueshme si në rastin e hisorianit Oliver Shmid, e bëjnë atë një profil të ndryshëm nga ministrat e brendëshëm që Edi Rama ka paraqitur deri më tani. Në këtë kuptim, general Sandër Lleshi mund të thuhet se fitoi pikë në publik në paraqitjen e së hënës në “Opinion”. Por, ajo që mund të shihet me frikë dhe që rrezikon ti zerojë të gjitha këto është motivi se përse ai e ka paranuar t'a marrë përsipër këtë detyrë. Po të shikohet video poshtë që Lapsi.al ka shkëputur nga intervista me Fevziun, kandidati për ministër pohon se ai nuk ka thënë "PO", as se ka koncepte të caktuara ideologjike, as sepse ka ndonjë afilacion politik, por thjeshtë për respektin ndaj Edi Ramës. [video width="1124" height="540" mp4="https://cdnimpuls.com/lapsi.al/wp-content/uploads/2018/10/sander-lleshi-.mp4"][/video]Sandër Lleshi: Si ma tha Rama vendimin për të më bërë ministër
Për shefin me të cilin ai ka punuar 5 vjet, që nuk është autoritar, por një njeri që i pëlqejnë sfidat e debatit intelektual dhe një drejtues që të jep më shumë kompetenca sesa ke nevojë. Për këto cilësi, që Lleshi ka dalluar tek Rama jo të gjithë bien dakord. Por problem nuk është këtu. Problemi është se ai e pohoi me gojën e vet se më shumë sesa për kredo apo një vision politik, ai do të jetë ministër si peasojë e një preference apo bestydnie personale. Dhe kjo është pikërisht ajo që nuk i duhet sot Shqipërisë. Sepse sot vendi ka nevojë për një ministër të brendëshëm që të shërbente si një lloj kundërpushteti brenda qeverisë, që të krijonte një kundërmodel të eksperiencave të mëparshme, që të mos vazhdonte në rrejdhën e lidhjeve okulte të rilndjes me botën e nëndheshme. Vetëm në këtë mënyrë, Sandër Lleshi do ti bënte mirë jo vetëm shqiptarëve, por nëse i duhet edhe vetë kryeministrit. Por në të kundërtën, duke hyrë në derën e ministrisë së brendëshme, me një besim gati pasionant për shefin e tij, duke pranuar publikisht se e ka marrë detyrën vetëm nga respekti që ka për të, Sandër Lleshi po futet në atë tokë të minuar me këmbën e majtë. Dhe kjo deri në atë pikë, sa ti minojë të gjitha cilësitë që publiku i vuri re gjatë prezantimit të tij në Opinion. ©Lapsi.al
