Peshat e rënda në boks janë në një betejë të fortë verbale, ku po përfshihen gjithnjë e më shumë protagonistë. Gati një muaj përpara ndeshjes për titull me Deontay Wilder, britaniku Tyson Fury ka zbuluar se e ka sfiduar Anthony Joshua në një ndeshje rruge, por rivali i tij në peshat e rënda "i mbushi pantallonat".
Gypsy King është një muaj larg sfidës me Deontay Wilder për brezin e WBC - një titull që anglezi nuk e ka patur kurrë. Tifozët e boksit mezi presin që fituesi i kësaj ndeshje të nxehtë të sfidojë më pas Anthony Joshua në prill.
Vetëm se superndeshja mund të ishte zhvilluar më herët, jo në ring por në rrugë, sipas asaj që bën të ditur Fury në programin "Poshtë Brezit".
“Duket si trim, por kur iu afrova kokë më kokë dhe i thashë, ‘Do të dalim jashtë?’ Prapanica e tij u dridh dhe i mbushi pantallonat".
“Nuk ka rëndësi cfarë peshe kisha në atë periudhë, nuk isha në formë, por do ta kisha nxjerrë jashtë dhe do ta kisha përpëlitur. Nëse dikush do të më kishte thënë mua ato fjalë – nuk më intereson nëse isha në formë apo jo – do të ishim jashtë duke grushtuar. E thjeshtë.
