Pasi doli nga ambientet e Prokurorisë së Krimeve të Rënda, ish-ministri i Brendshëm, Saimir Tahiri deklaroi se kishte paraqitur 'diçka' me rëndësi deçizive për procesin.
"Paraqita diçka që ka rëndësi për procesin, por do kërkoj mirëkuptimin tuaj. Do flas pas 2-3 ditësh për të thënë çfarë është. Provë që e quaj deçizive. Prisni dy tre ditë e do dëgjoni. Kam një vit që dëgjoj pafundësisht dhe kam heshtur. Prisni ju tani" - i tha Tahiri gazetarëve.
Ish-ministri i Brendshëm u shoqërua nga avokati i tij Maks Haxhia në Prokurori.
Ende nuk dihet se për çfarë çështje do të jenë provat që ish-ministri do paraqesë në Prokurori.
Të premten Saimir Tahiri paralajmëroi një konferencë për shtyp, por më pas e anulloi.
Kujtojme se Krimet e Rënda kanë shtyrë hetimet për Tahirin deri në muajin janar, ndërsa më pas do të vendoset edhe ‘fati’ i tij, lidhur me akuzat për përfshirje në tafikun e drogës me bandën ‘Habilaj’.
