Policia ka dhënë detaje për arrestimin e dy trafikantëve të kapur me dy kg kokainë mbrëmjen e djeshme tek “Ura e Dajlanit” në Durrës.
Sipas policisë, 29-vjeçari Taulant Lala dhe 22-vjeçari Adnand Bufi u ndaluan nga policia tek "Ura e Dajlanit", pasi fillimisht nuk i ishin bindur forcave të rendit të ndalonin.
Nga kontrolli në makinën e tyre tip BMW, policia gjeti të fshehur tek AirBag-u dy pako të mbështjella me dy kilogramë kokainë.
Dy të rinjtë akuzohen për veprat penale “Prodhimi dhe shitja e lëndëve narkotike” në bashkëpunim dhe “Mosbindja ndaj urdhrit të punonjësit të policisë së rendit publik".
