Angela Merkel deklaroi se nuk do të kërkojë një mandat tjetër si kancelare kur mandati i saj të përfundojë në vitin 2021, duke i dhënë fund një epoke më shumë se 10-vjeçare në të cilën ajo ka dominuar politikën europiane.
"Nuk do të vazhdoj më karrierën në politikë pasi të mbarojë ky mandat" - tha Merkel në deklaratë për shtyp.
Në një konferencë për shtyp, Merkel tha se ajo nuk do të kërkojë as rizgjedhjen si kryetare e partisë CDU në dhjetor, duke nxitur kështu garën për ta zëvendësuar atë si kandidate të kristian-demokratëve në vitin 2021. Ajo nuk do të kërkojë as rizgjedhje në Bundestag.
