Është shtyrë gjithcka për reformimin e Botërorit për Klube. Kundërshtimi i hapur i Uefa e shoqatës së klubeve Europiane e ka detyruar presidentin e Fifa, Gianni Infantino, të shtyjë për momentin cdo vendim që lidhet me projektin (një turne për tu diskutuar në fillim të verës e që do të sillte miliarda euro të ardhura), por që në Europë e shohin si konkurente të drejtpërdrejtë të Champions League. Hapi prapa është bërë në Kigali, në Ruanda, ku është mbledhu sot Këshilli i Federatës ndërkombëtare.
Shoqata e klubeve Eca, me president Andrea Agnelli, i kishte shkruar Infantino për të qartësuar pozicionin kundër të klubeve të mëdha të kontinentit. Vetëm se shumë në lojë është e madhe, duke qenë se një konsorcium kishte ofruar deri në 25 miliardë dollarë për të administruar të drejtat e projektit, kështu që nuk është e thënë që situata të mos ndryshojë me shpejtësi. Në mars, në këshillin e ardhshëm të parashikuar në Miami, do të flitet përsëri, e ndoshta do të ketë ndonjë vendim.
Në Kigali, Këshilli ka marrë vendime të tjera të rëndësishme: Kupa e Amerikës do të zhvillohet në të njëjtën vit, duke nisur nga 2020, me kampionatin Europian. Ndërkohë, Kupa e Afrikës e 2023 do të spostohet nga janar-shkurt në qershor-korrik, duke parë afërinë me Botërorin 2022 në Qatar që do të zhvillohet në dimër. Mendim negativ ka marrë propozicimi i Liga spanjolle për të luajtur një ndeshje të kampionatit në vazhdim në Shtetet e Bashkuara të Amerikës. Sipas Fifa, duhet mbrojtur principi sportiv ku ndeshjet zyrtare të kampionatit duhet të luhen në territorin përkatës.
