Kreu i Bashkisë së Durrësit, Vangjush Dako, ka reaguar pas deklaratës së kreut të PD-së Lulzim Basha ndaj tij, duke shpërthyer madje në fyerje. Duke iu përgjigjur Bashës, që e cilësoi ‘peshk i madh’, Dako e quan kreun e PD ‘peshk rezervati’ që nuk hahet dot.
Duke iu drejtuar Bashës, Dako thotë se nuk e voton askush madje e këshillon ta harrojë Durrësin, Shijakun dhe Krujën.
Më tej kreu i Bashkisë së Durrësit e kërcënon me një padi në prokurori kreun e PD-së.
“O Lulëzim Basha! Ti duhet t’i harrosh Durrësin, Shijakun dhe Krujën. Sepse dikur edhe votonin për Saliun e për PD, po për toçin e Saliut votojnë vetëm nostalgjikët e PD dhe aq! Ti duhet ta kuptosh që s’ke vota o Lulëzim dhe s’ta kam fajin as unë, as durrsakët, as shijaksit as krutanët. NUK KE VOTE! Je një peshk rezervati që nuk hahesh dot dhe hidhu përpjetë sa të dush me kaseta me telefonata e me sajesa vemjesh. TY NUK TE BESON ASKUSH o toçi i Saliut që i hap telefonin vetëm kunatit.
Emri i kryebashkiakut të Durrësit doli në hetimet e prokurorisë për grupin kriminal të Avdylajve dhe nga përgjimet e publikuara mbrëmjen e kaluar nga News24, rezultoi se Dako kishte komunikim dhe bashkëpunim me Altin Avdylin i ashtuquajturi “Niçja”, i arrestuar gjatë operacionit “Vol-co 4”.
