Nëse ju ka marrë malli të shihni programin e suksesshëm që i ka munguar televizionit “Klan” që prej 2015-s, mund t’ju themi se ka një përqindje të vogël mundësie.
Kjo pasi vetë moderatorja Alketa Vejsiu i ka bërë ndjekësit të mendojnë se “Klan”-i do të rikthejë sërish programin.
Ajo ka publikuar disa video nga performanca e veçantë që ka realizuar në “X Factor 1”, ku shfaqet si rrallë herë duke kënduar.
“Nostalgjike! Do t’ju pëlqente të rikthehej ‘X Factor”, shkruan Alketa në Instagram.
Nuk e dimë nëse rikthimi i spektaklit është në planet e televizionit. Herën e fundit që Alketa u pyet se ku do ta shohim këtë sezon televiziv, moderatorja numëroi jo një, por tre projekte të reja: “Dance With me 5”, që po transmetohet aktualisht, “Në Kurthin e Peter Pan 2” dhe “Ferma e të famshëmve”.
