Kryeministri Edi Rama ka paralajmëruar një tjetër betejë pas asaj për mbylljen e basteve dhe kazinove.
“Tani radhën e ka beteja kundër tregtimit të alkoolit për të rinjtë nën 18 vjeç dhe ndalimi i hyrjes në lokale për ta gjatë orareve të mësimit, të pashoqëruar me mësues apo prindër. Shumë shpejt plani i masave administrative për lokalet që kapen në shkelje të këtyre dy rregullave?”, shkruan Rama.
Ditën e sotme, deputetët e mazhorancës pas diskutimeve në Parlament votuan në unanimitet ligjin për ndalimin e lojërave të fatit. Ndonëse në radhët e PS-së pati frikë për rrjedhje votash, ligji kaloi me 75 vota pro. Deputetët e mazhorancës rrëzuan gjithashtu edhe dekretin e presidentit Ilir Meta për Teatrin Kombëtar.
©Lapsi.al
