Paul Pogba është në qendër të të gjithë situatave problematike të Manchester United, por megjithatë duket imun nga cdo shqetësim. Pak si e paqartë, duke qenë se edhe lojtarë që e kanë patur koston e kartonit më të lartë, kur janë gjendur në konflikt me trajnerin apo klubin janë nxjerrë në shitje pa u menduar gjatë.
Në rastin Pogba ka dicka për tu shpjeguar, që justifikon sjelljen e Djajve të Kuq ndaj francezit. Kartoni i lojtarit i kalon 100 milionë euro e sipas asaj që bën të ditur Daily Mail, nuk janë motivet teknike që bllokojnë shitjen e Pogba. Problemi është ekonomik dhe pak lidhet me vlerën në treg të tij. Largimi i francezit do të krijonte një gropë në arkat e klubit anglez, atë të sponsorve.
Nga sa tregon tabloidi britanik, sponsorat që mbulojnë me ar Manchester United nuk e shohin aspak me sy të mirë lamtumirën e mundshme të Pogba. Francezi në këtë moment shihet si një nga motivet kryesorë për të cilin kompanitë vendosin ti bashkojnë imazhin e tyre Djajve të Kuq. Pogba është një nga futbollistët më të famshëm në botë, përfaqëson Francën e ka fituar Botërorin. Një emër që i shton vlerë marketingu një brand universal sic është United.
