Chiara Ferragni së bashku me miqtë dhe familjarët e saj organizuan një festë surprizë për ditëlindjen e 29-të të bashkëshortit të saj, Fedez. Dhe festa u mbajt pikërisht aty ku nuk i shkon mendja askujt: në supermarket.
Por për fat të keq, festa doli jashtë kontrollit dhe nga entuziasmi dhe alkooli, të ftuarit filluan të luanin dhe shpërdoronin ushqimet dhe fansat e tyre në rrjetet sociale u irrituan aq shumë dhe e cilësuan festën si një “shuplakë ndaj varfërisë”, saqë reperi iu desh të reagonte menjëherë.
Përmes postimeve në “Instagram”, Fedez me lot në sy kërkoi falje për sjelljen e të ftuarve dhe shpjegoi se i dërgoi të gjithë në shtëpi. Mirëpo në asnjë moment, nuk reagoi bashkëshortja e tij Chiara, e cila ishte edhe “truri” i festës. Por fansat nuk e kanë lënë të qetë në asnjë sekond, duke e torturuar t’i nxirrnin fjalën “më fal” nga ajo, dy ditë më pas! Dhe duket se ia arritën.
“Më thuaj se ç’duhet të bëj tjetër, pavarësisht se kërkova falje dhe mbajta premtimin që dhashë. Më vjen keq shumë për të gjithë këtë urrejtje, por kam gabuar dhe marr përsipër të gjithë përgjegjësinë. Të gjithë gabojmë, kërkojmë falje dhe mësojmë leksionin. Të paktën unë e mendoj kështu.” – iu përgjigj fashionista Chiara Ferragni komentueses në profilin e saj në “Instagram”.
Fedez shpjegoi se do të dërgojnë shporta me ushqime në familjet në nevojë.
