Ka mbërritur sot në Prokurorinë e Tiranë kreu i PD-së Lulzim Basha. Ai është thirrur në lidhje me çështjen e “Toyota Yaris” ku, sipas Bashës, implikohet deputeti i PS-së Taulant Balla.
Kryedemokrati ka mbërritur ne organin e akuzës ne orën 11.30 dhe me pas do te ketë një komunikim për mediat.
Basha ishte i pari qe nga foltorja e Kuvendit tha emrin e socialistit Taulant Balla si personi qe kishte porositur dhe priste 3.5 mln eurot qe u gjeten ne makinat “Toyota Yaris”, ne portin e Durrësit, gjate një kontrolli te autoriteteve.
Basha gjate fjalës se tij ne Kuvend ne 24 qershor, ju drejtua Taulant Ballës dhe i tha se ai kishte porositur një makinë “Toyota Yaris”.
“Qesh ti qesh, zgërdhiu! Ai që po zgërdhihet më shumë ka qenë para tri ditëve në Shqipëri. Ai zgërdhitësi ka marrë “Toyta Yaris”-in. Por t’u zbulua Toyota”, bashkë me 1.5 milion euro të drogës brenda. Sepse zgërdhitësi thoshte s’kemi probleme, s’kemi drogë, reformat po ecin, krimi po luftohet, ekonomia po ecën, ku në fakt e vërteta është ajo që di çdo shqiptar e nuk ka nevojë ta thotë opozita”, ishte kjo deklarata e Bashës ate te enjte te Kuvendit.
