Hazar Erguçlu ka qënë në një lidhje me regjisorin turk Onur Ynly. Ajo është 26 vjeç, ndërsa Onur 45 vjeç. Së fundmi, Hazar ka treguar se së shpejti do të bëhet nënë për herë të parë. Për shkak të diferencës prej plot 19 vitesh midis çiftit, komentet e ndjekësve të aktores nuk kanë qenë shumë të këndshme. Por duket se ajo nuk i duron dot më këto komente dhe kritika përsa i përket zgjedhjeve të saj personale dhe ka vendosur t'iu përgjigjet një herë e mirë të gjithëve. "Unë e di shumë mirë çfarë po bëj. Prindërit e mi e dijnë, të afërmit, miqtë, të gjithë ju e dini. Jam shumë e qetë dhe e lumtur me zgjedhjet e mia. Po ju, e dini çfarë po bëni me jetën tuaj?" ka thënë ajo.
