“Keqardhje për Arben Çukon...” kështu nis një postim në Tëitter i kryeministrit Edi Rama për ish-deputetin socialist të arrestuar për korrupsion pasiv kur ushtronte detyrën si Drejtor i Përgjithshëm i Burgjeve.
“Për ne s'ka dy qëndrime në raport me ligjin, ka vetëm një; s'ka dy qasje në raport me drejtësinë, ka vetëm një; s'ka dy fytyra në raport me qytetarët, ka vetëm një! Ne s'jemi e kurrë s'do jemi njësoj si të tjerët. Ne gjithnjë kemi vetëm një krah: DREJTESINE!” – shkruan Rama.
Problemi i kreut të qeverisë është se brenda pak orësh u vunë në pranga 2 ish-deputetë socialistë sepse u arrestua edhe ish-deputeti i Lezhës, Arben Ndoka. Për këtë të fundit dihet se mund të jetë përfshirë në tjetërsim pronash në bregdetin e Lezhës. Për Ndokën, Rama nuk ka bërë ende asnjë reagim. ©LAPSI.al
