Tre muaj pasi u fejuan, supermodelja e njohur Karlie Kloss dhe Joshua Kushner kurorëzuan dashurinë në një martesën ditën e djeshme. Ceremonia u organizua në fshehtësi të plotë në New York dhe kishte më pak se 80 të ftuar. E gjitha ishte sipas stilit hebre.
“Dasma ishte intime dhe emocionuese. Çifti ishte i mbushur me lumturi.”- ka treguar për PEOPLE një ndër miqtë e ftuar në dasëm.
Fustani i markës Dior ishte me mëngë të gjata dhe pjesa e sipërme me dantellë. Kushner i ka propozuar përpara disa kohësh me një unazë diamanti, të cilën Karlie e shpërndau në rrjetet sociale duke e shoqëruar me fjalët:
“Të dua më shumë sesa fjalët mund ta shprehin. Josh, ti je miku im më i mirë dhe shpirti im binjak. Mezi po pres për “përgjithmonë bashkë.” Po, edhe një mijë herë të tjera.”
