Agjencia Kombëtare e Lajmeve NOA.al përgënjështroi ditën e sotme lajmin se është financuar nga një fond sekret i ministrisë së Jashtme greke.
Reagimi ka ardhur pas publikimit të disa lajmeve në media ditën e djeshme, ku mes emrave të mediave të paguara nga grekët, ishte mes tyre edhe NOA.al.
Emrat/ Këto janë mediat shqiptare të financuara nga Greqia
"Ky është një paralajmërim ligjor për ato media që kanë bërë të tilla akuza të padrejta duke dëmtuar emrin e noa.al." - thuhet në deklaratë.
Reagimi:
Për shpërndarje të menjëhershme 21 Tetor 2018 Për shpërndarje të menjëhershme 21 Tetor 2018
Deklaratë e themeluesit dhe administratorit të Agjencisë Kombëtare të Lajmeve NOA.al, Edison Kurani
Më datë 20 tetor 2018 në disa media është bërë një publikim i cili sugjeron se disa faqe interneti, mes të cilave përfshihej edhe noa.al, janë financuar nga një fond sekret i ministrisë së Jashtme greke.Me përgjegjësi të plotë ligjore dhe morale, deklaroj se NOA.al nuk ka marrë kurrë financime të tilla.Burimi i vetëm i të ardhurave të NOA janë reklamat. Ky është një paralajmërim ligjor për ato media që kanë bërë të tilla akuza të padrejta duke dëmtuar emrin e noa.al.
