Punimet për rrugën Qukës-Qafë Plloçë kanë filluar që në vitin 2009 dhe ende nuk kanë përfunduar.
Ajo është kthyer në një nga akset më problematike për banorët e fshatrave të Qukësit, që jetojnë prej vitesh mes pluhurit dhe ndotjes.
Rruga Qukës-Qafë Plloçë konsiderohet si një segment i rëndësishëm që bën të mundur shkurtimin e një distance te madhe të juglindjes së vendit me kryeqytetin.
Edhe pse ishte parashikuar të përfundojë në qershor të ketij viti duket se sërish afatet do të shkelen, ndërsa Ministri i Infrastrukturës, Damian Gjiknuri në inspektimin e fundit që i bëri kësaj rruge tha se shpreson që ajo të mbarojë në vitin 2019.
