Duket si skenari i një filmi horror vrasja e gazetarit saudit, Jamal Khashoggi, i cili dyshohet se është torturuar dhe vrarë para syve të konsullit të Arabisë Saudite në Stamboll.
Shërbimet tukre të inteligjencës u kanë dhënë mediave pranë qeverisë turke, disa regjistrime në të cilat dalin në pah detajet drithëruese të krimit.
Sipas asaj që mësohet nga regjistrimet, Khashoggi është torturuar.
Atij i janë prerë gishtat, një agoni që ka zgjatur 7 minuta, para se t’i jepejnjë qetësues e më pas t’i pritej koka e t’i copëtohej trupi.
“Hiqeni nga këtu, sepse do të më nxirrni telashe”, dëgjohet zëri i konsullit Mohammed al-Otaibi, i cili u largua nga Stambolli dje pasdite për t’u kthyer në vendin e tij.
“Nëse do të vazhdosh të jetosh kur të kthehesh në Arabi, mbylle”, dëgjohet përgjigjja e njëri prej vrasësve.
Khashoggi raportohet se ishte sjellë nga zyra e konsullit në një studio ngjitur dhe është shtrirë mbi një tavolinë.
Atje, me kufje në vesh për të dëgjuar muzikë, dr. Salah Mohammed al-Tubaigy, kreu i njësisë së mjekësisë ligjore, i ardhur nga Rjadi, do të bënte copëtimin e trupit, kur ndoshta ndërkohë Khashoggi ishte ende gjallë.
Sipas “New York Times”, mjeku ligjor, ekspert i autopsisë, është ndër 5 njerëzit kryesorë në listën e të dyshuarve nga hetuesit turq.
Personat e tjerë të dyshuar jenë të lidhur ngushtë princin e kurorës, Mohammed bin Salma.
“Washington Post” shkruan se janë gjithsej 12 njerëzit e lidhur me shërbimet e sigurisë në Riad, të cilët ishin pjesë e ‘skuadrës së vdekjes’ prej 15 personash që mbërritën në Stamboll në kohën kritike të vdekjes së gazetarit saudit.
