Avokati që kryeson grupin ligjor të Cristiano Ronaldo në mbrojtjen nga akuzat për përdhunim, Peter Christiansen, ka shkuar në Shtetet e Bashkuara për tu përballur me policinë e Las Vegas e në vecanti me përgjegjësit e hetimit, që lidhet me faktet e verës 2009, kur sulmuesi atëherë i Real Madrid, akuzohet se ka përdhunuar ish-modelen Kathryne Mayorga.
Lajmin e ka publikuar e përditshmja portugeze "Correio de Manha" për të cilin Christiansen është shprehur "i kënaqur me atë që pa" e me besim në arkivimin e cështjes. Christiansen madje ka folur për një "fushatë të shëmtuar ndërkombëtare bazuar në dokumenta digitalë që janë vjedhur dhe pas asnjë dyshim manipuluar".
