Çdo ditë në botë, 7000 fëmijë nën pesë vjeç, vdesin nga uria dhe kequshqyerja.
Alarmin e ka dhënë një raport i 'Save the Children'.
Fushatat e OJQ-ve kanë si qëllim të shpëtojnë fëmijët që vuajnë nga kequshqyerja dhe të mbajnë të lartë vëmendjen për një vrasës të heshtur dhe shkatërrues, që kontribuon në mënyrë vendimtare në vdekjen e rreth gjysmës së 5.4 milion fëmijëve nën pesë vjeç që vdesin çdo vit, në nivel global, duke humbur jetën nga sëmundje lehtësisht të shërueshme dhe të parandalueshme.
OJQ-të janë gjithashtu shumë të shqetësuara për gjendjen e shtatë vendeve (Somali, Burundi, Siri …) ku kanë mundur të mbledhin vetëm të dhëna të pjesshme.
