Mosmarrëveshjet dhe akuza e ndërsjellta mes mazhorancës dhe opozitës janë zhvendosur edhe në Bruksel. Kanë qenë dy përfaqësuesit e delegacionit shqiptar Genc Pollo dhe Taulant Balla ata të cilët kanë ngritur tonet edhe në Parlamentin Europian.
Teksa Balla fliste përballë të pranishmëve, Genc Pollo kërkoi të merrte fjalën. Ndërkohë drejtuesja e Komisionit “kritikoi” Pollon, ndërsa ky i fundit bashkë me përfaqësuesit u larguan nga salla.
“Eurodeputetët e sikletosur nga Balla. Ç’të bëjmë, zëmë hundën me dorë e vazhdojmë punën. Eurodeputetët kërkojnë zyrtarisht shpjegime për skandalet e Ballës. Balla pasardhës i denjë i Tahirit në këtë Komision; si Tahiri të largohet! Dhe do të largohet. Kjo është e fundit mbledhje e Parlamentit ku Balla është bashkëdrejtues”, - tha Pollo.
