Deputeti i PD, Ervin Salianji, ka reaguar me ironi ndaj padisë që ka ngritur ndaj tij për shpifje, kreu i grupit parlamentar të PS-së, Taulant Balla.
"Unë që “ i dhashë” Alizotit 200.000 Euro, për Ballën 10 milionë lek janë hiç. Të gjtha paratë që kemi të shkojnë për fondet e riedukimit, të ndihmojmë PS nga shoket e krimit! Sapo ka filluar! Të fala departamentit të shpifesave!"
Debati mes tyre ka lindur për çështjen e audiopërgjimit të Agron Xhafajt dhe videot me dëshmitarin Fred Alizoti, që rrodhën pas tij.
Ky reagim i ka shkuar Ballës me të njëjtën monedhë, pasi ai më herët njoftoi në Fb se çdo akuzë nga opozita do ta padiste në gjykatës dhe theksonte me të madhe se 'të ardhurat nga çdo shpifje do të shkojnë për fondin e edukimit':
'Çdo shpifje të hedhur në drejtimin tonë nga aktorët e SHQUP-it, e që kazani politik e mediatik u jep zë pa asnjë verifikim edhe kur vërtetohen si të rreme, a qoftë edhe nga kazani i profileve zyrtare digjitale, ne do ta padisim në gjykatë. Të ardhurat nga çdo shpifje, për fondin e edukimit.'
