Bes Kallaku, Olsi Bylyku dhe Erion Isai ishin personazhet që u larguan nga Top Channel dhe lidhën kontratë të re me Tv Klan, duke nisur emisionin e ri të të dielës "BE Caffe". Mirëpo pas largimit nga televizioni, duket se raportet mes ish-kolegëve janë prishur.
I ftuar ditën e sotme në Pop Culture, Erion Isai ka treguar se mes tij dhe regjisorit të 'Portokallisë', Altin Bashës, nuk ka komunikim edhe po të shihen në rrugë."Nuk ka hatërmbetje. Top Channel ka qenë arsyeja që lashë qytetin tim për të jetuar në Tiranë. Kam mirënjohje të madhe për atë televizion, Portokallinë dhe Altin Bashën. Shihemi dhe në rrugë dhe nuk përshëndetemi. Megjithatë kjo nuk ndryshon mirënjohjen time për të."- është shprehur Erioni.
