Një i ri shqiptar ka mbetur i plagosur me thikë në Itali pas një sherri në një lokal në zonën e njohur si Alba Adriatika.
Sipas mediave italiane, fillimisht ka qenë një shtetas italian, i cili ka qëlluar me thikë 22-vjeçarin shqiptar, ndërsa më pas janë bërë pjesë e sherrit edhe persona të tjerë.
Sherri ka degjeneruar deri në përdorimin e armës dhe për pasojë një 38-vjeçar italian ka mbetur i plagosur.
Dy të plagosurit janë dërguar menjëherë në spital dhe po mbahen nën kontrollin e mjekëve. Ende nuk dihen shkaqet dhe identiteti i të plagosurve, përcjell “rete8.it”.
Ngjarja ka ndodhur në një lokal me muzikë live në këtë zonë. Policia ka nisur hetimet dhe po punon për zbardhjen e plotë të rrethanave të ngjarjes.
https://www.youtube.com/watch?v=OB5RDcYDUZ0
