Lionel Messi është parë gjithnjë si lojtari më i paprekshëm i merkatos së futbollit. Por, sepse ka gjithnjë një por, në 2020 argjentinasi mund të largohet nga Barcellona me kosto zero. Lajmin e ka zbuluar e përditshmja katalanase Mundo Deportivo që sqaron se në kontratën e kampionit argjentinas me blaugrana ekziston një klauzolë që i lejon të largohet nga klubi gratis në rast se kërkon të luajë "në një klub jo të elitës".
Një diciturë e paqartë, që do ti lejonte Leos të ndryshonte fanellë pa u dashur të paguhet klauzola aktuale e zgjidhjes së kontratës prej 700 milionë euro, një vit para skadencës së rinovimit të panumërt, që u firmos dicka më pak se 12 muaj më parë me katalanasit.
Ndoshta edhe për këtë, presidenti Bartomeu ka ndërmend - sipas Mundo Deportivo - të formulojë një kontratë të re me numrin 10, për ta cuar skadencën në 2022, me opsionin për rinovimin edhe për një tjetër vit, duke e lidhur kështu përjetë Messi me Barcelonën. Për të evituar ndoshta edhe një rast të ngjashëm me atë që ndodhi me Ronaldo tek Real Madrid.
