Fatos Lubonja e krahasoi ligjin anti-shpifje që do të përgatisë kryeministri Edi Rama me stalinizmin.
Në rubrikën "Opinion" në News 24, Lubonja shprehet se edhe stalinizmi dënonte kundërshtarët, dhe me punën e tyre do të ndërtonte kopshte e shkolla.
Fatos Lubonja u shpreh se duke tentuar të hapë departamentin e shpifjeve, kuptohet se Rama ka kapur drejtësinë.
“Stalinizmi çfarë bënte?! Armiqtë që kanë bërë agjitacion e propagandë kundër pushtetit, kanë shpifur se ne jemi vendi më i lumtur në botë, dënohen, do shkojnë për riedukim dhe me punën e tyre do mbaj kopshtet e shkollat. Se ka konceptin e shtetarit. Deri dje ka thënë do forcoj drejtësinë tani do të bëjë departament. Kush do e paguajë këtë departament. Është si puna e atyre Dacibaove dhe revolucionit kulturor kinez. Del jashtë institucioneve dhe krijon institucione të tjera, si garda e kuqe. Është qesharake dhe e rrezikshme sepse në fund fare tregon se ka kapur drejtësinë dhe tani hap departamentin e shpifjeve, shpifësi më i madh që ka njohur historia e Shqipërisë. A doli ky zotëria tha laboratori me famë etj, a nuk ishte shpifje kjo. Këtu është një karikaturë morale e gjithë kjo histori. Kjo nuk më shqetëson se ky është i sëmurë. Problem janë të gjitha ata që i vijnë nga mbrapa që flasin dhe anglisht, përveç atyre oligarkëve që e mbajnë”, u shpreh Fatos Lubonja.
