Në Angli racizmi në stadiume është një nga problemet më të ndjeshme aq sa The Sun i ka dedikuar një faqe të plotë këtij argumenti, duke prezantuar një fushatë snsibilizuese unike të studiuar për këtë qëllim nga Chelsea. Tifozët Blues përgjegjës për akte raciste mund të zgjedhin të përjashtohen nga Stamford Bridge ose të marrin pjesë në kurse rikuperimi që parashikojnë edhe një vizitë në kampin e përqendrimit të Auschwitz.
Të edukosh për të evituar që tragjedi të tilla të përsëriten dhe plagë të tilla të dhembin sërish. Kjo është rruga e vendosur nga Roman Abramovich për të përballuar racizmin brenda mureve të shtëpisë së Chelsea. Një zgjedhje e fortë, që ndryshon radikalisht përballjen me problemin me objektivin të sensibilizojë mbi të gjitha ata që nuk njohin historinë e për ti dhënë një sinjal të qartë tifoëve të tij.
"Të largosh njerëzit nga stadiumi nuk mjafton, nuk do të ndryshojë sjelljen e tyre - shpjegoi presidenti i klubit, Bruce Buck -. Në të kaluarën do ti dallonim mes turmës e do ti largonim nga stadiumi deri në tre vjet. Ndërsa tani i tregojmë se gabuan dhe kanë dy mundësi: mos ejani më në Stamford Bridge ose kuptoni gabimin tuaj".
