Kreu i Grupit Parlamentar të PS, Taulant Balla e ka quajtur një "puç shteti" denoncimin e Babales nga foltorja e Kuvendit në lidhje me akuzat që janë bërë në drejtim të tij për çështjen Babale. Balla u shpreh se në videon “Babale 1”, janë tre aktorë të përfshirë duke përfshirë Fredi Alizotin, Albert Veliu dhe Ervin Salianji.
Më tej deputeti i PS, tha se ai nuk do të bëj më kallëzime në Prokurori, pasi tashmë çështja është në dorë të drejtësisë.
"Transmetimi që Ervin Salianji, që është bërë në oborr të SHQUP-it, nga ish drejtori i policisë bashkiake të Lulit, është që PD nuk thotë ende nuk është gazetari i radhës te video e radhës, se unë nuk di që ish drejtori i lulit të ketë punuar ndonjë ditë gazetar.
Fredi Alizoti, Albert Veliu dhe Ervin Salianji, në “Babale 1”. Të njëjtët person në hall bashkëpunuan dhe hodhën në opinion një video të re, nuk bëj më kallëzim, se çështjen e ka prokurori por duket qartë se atyre u janë ofruar nga 100 mijë euro për kokë për rolet.
Basha duhet të kërkonte ndjesë publike për përfshirjen e turpshme, Salianji ka vënë në shërbim edhe gazetarin Olldashi, që ky ka qenë edhe pjesë infiltrimi edhe nga SHISH që e bën edhe më të rëndë këtë histori puçi" u shpreh Balla që më parë ka mohuar deklaratat e Fredi Alizotit, i cili e përfshiu në ofertat që iu bënë për para, për të pranuar se ai ishte aktori në rolin e Agron Xhafajt, në bisedën me skafistin Albert Veliu.
