Kanë kaluar njëzet vjet që kur Leonardo DiCapro dhe Kate Winslet morën gjithë vëmendjen e publikut falë historisë së dashurisë që “jetuan” në “Titanik”. Për të festuar përvjetorin e rëndësishëm, kryevepra e drejtuar nga James Cameron kthehet në kinema me 8-10 tetor.
Pas një suksesi mbarëboteror dhe 11 çmimeve Oscar, pas filmit ende fshihen disa fjalë (anekdota) që nuk janë të njohura për publikun të tilla si kush është autori i vërtetë i portretit të Rose e veshur vetëm me diamantin blu me formën e zemrës apo arsyet e vërteta që e shtynë Cameron për të realizuar kryeveprën e dedikuar për një anije të mbytur e cila u soll përsëri në dritë në sajë të nji filmi të përjetshëm. Gjithashtu publiku do të njihet dhe me historinë e personazheve në film që janë bazuar në pasagjerë të vërtetë të anijes.
