Në video-përgjimin që i është bërë Fredi Alizotit, një prej të pandehurve në procesin gjyqësor për akuzën e inskenimit të përgjimit të Agron Xhafajt, ai tregon sesi Drejtori i Përgjithshëm i Policisë, Ardi Veliu e mori në shtëpinë e tij për ta çuar në Prokurorinë e Krimeve të Rënda.
Aty pranë, Fredi Alizoti tregoi se ishte takuar me një "Taulant" i cili kishte nisur ta provokonte dhe "t'i blinte mendjen" nëse ai mund të shndërrohej një dëshmitar i rremë në çështjen e Babales.
Fredi Alizoti e përmend disa herë "Taulantin" në bisedën ku nuk e dinte se po përgjohej, por asnjë herë nuk thotë se kush "Taulant" ishte që po i premtonte para në këmbim të dëshmisë së rreme. Fakt është që takimi është bërë në Tiranë, pranë prokurorisë së Krimeve të Rënda dhe ky "Taulant" duhet të ishte një njeri i besuar i Fatmir Xhafajt dhe Ardi Veliut që të bëhej pjesë e një oferte të tillë.
BISEDA E PERGJUAR E FREDI ALIZOTIT
Fredi – Erdhi më mori në shpi vlla. Ku je m’tha se e kishin numrin e telefonit në prokurori. I thashë unë jam te lagjja. Ka ardh MB, makinë e zezë, m’ka marrë, m’ka çuar n’prokurori. …
Fredi – Ky ropqiri tani ishte me dy veta, Taulanti, ishte ballë përballë me prokurorinë, ç’është një lokal aty.
Tjetri – Po, ka shpinë aty
Fredi – Po, biles kam pirë dhe një kafe aty dhe filloi të më blinte mendjen, kupton.
Fredi – E kupton ti, muhabete, s’kam gisht fare unë me këtë muhabet, di që e kam shok
Tjetri – Dhe nje herë, Drejtori i Përgjithshëm nuk ka pse vjen me të marrë ty me makinë.
Fredi – Ky është muhabeti, në daç besoje, në daç mos e beso. Këto qe të thashë tani janë të vërteta.
Tjetri – Të vërteta që ka ardh Taulanti, ka bë muhabet me ty e t’ka thënë e…
Fredi – Po, po, të gjitha të gjitha, biles më ka dhënë dhe kafe.
Tjetri – Ky drejtori i ri që është vënë?
Fredi – po, ore më vdekshin dy pleqtë po të betohem që është e vërtetë
Tjetri – Kush drejtor, drejtori i Tiranës?
Fredi – Ky Ard Veliu o vlla.
Tjetri- Si, të erdhi të mori ty nga atje?
Fredi – Po ore, po vlla. Ore unë po të them kshu tani. Po ju betohem dhe njëherë më vdekshin ça kam në shpi, në ju gënjej.
