"Kam qenë e fejuar për 11 muaj me Cristiano Ronaldo, në kohët kur luante me Manchester United. Ishin 11 muaj dashurie". Raffaella Fico mbron kampionin portugez, që ka përfunduar në stuhinë e akuzave për përdhunim në 2009. "Kur ndodh dicka e tillë e merr gjithnjë me habi. Ronaldo është një djalë normal, i qetë, i thjeshtë, me mua ka qenë gjithnjë një zotëri i vërtetë".
Për Rai Radio1, shoëgirl nga Napoli ka rrëfyer lidhjen e saj me Cristiano Ronaldo. "Si sillej në shtëpi? Stërvitej edhe në shtëpi, muskujt e barkut zakonisht. Stërvitej pas darkës. Shikonte ndonjë film dhe relaksohej".
Dyshja u njoh në një lokal nate në Porto Cervo në mesin e qershorit 2009. Një dashuri e vërtetë, të paktën nga Fico, që për të përjavshmen 'Chi' deklaronte. "Besoj vërtetë në këtë ndjenjë. Kam frikë të gaboj. Nuk dua publicitet e nuk dua ta humbas. Dëgjohemi vazhdimisht me SMS e po mësoj portugalishten". Gjithësesi ndarja erdhi, por Fico ka vetëm kujtime të bukura dhe nuk arrin ti besojë akuzave që goditën kampionin e Juventus.
