Kryeministri Edi Rama ka sqaruar sot për mediat, arsyen se pse qeveria mbajti qëndrim refuzues lidhur me kërkesën që “Telekom Srbija” i bëri kompanisë “Telekom Albania” pas shitjes nga grupi “Deutsche Telekom”.
Sipas Ramës, edhe pse bizneset serbe janë të mirëpritura në vendin tonë, në këtë sektor strategjik kjo nuk është preferenciale.
“Qeveria shqiptare nuk është pjesë e transaksionit që do të kryejë një kompani private, që ka një strategji tërheqje nga tregjet e vogla dhe po bën shitje në Shqipëri me kompani që do të shesë biznesin. Qeverisë shqiptare i kërkohet një mendim dhe qëndrimi i qeverisë shqiptare është i qartë: Bizneset serbe janë të mirëpritura në Republikën e Shqipërisë, por në këtë sektor strategjik nuk është preferenca jonë” - tha Rama.
