Ka mjaftuar Juventus Junior Camp, e pak kohëve më parë, që bardhezinjtë ta shohin nga pikëpamja strategjike Shqipërinë. Gjigantët italianë do ta hapin në 15 tetor edhe Akademinë e futbollit, Juventus Tirana, që fillimisht do të ketë në focus grupmoshat nga U-5 deri në U-15. Gjithcka e projektuar nga bardhezinjtë, që do të punojnë me fëmijët në kompleksin sportive në Kamëz e do të jetë një mundësi për të realizuar ëndërrën e shumë prej tyre që dëshirojnë të mbajnë veshur fanellën e Juventus.
Drejtor i Akademisë Juventus Tirana, Dritan Metaj, ka sqaruar objektivat primare: Për të promovuar këtë hap të rëndësishëm, që megjithatë nuk lidhet me potencialin e zbulimit të talenteve, por aplikimin e një metodologjie fituese, atë Juventus, ka qenë prezent Marco Degortes, i zonës menaxheriale të Akademive Juventus: “Projekti Juventus Akademi nuk është një project relativ, që lidhet direkt me zbulimin e talenteve. Eshtë një project ku ne i japim mundësinë fëmijëve të bëjnë aktivitet, sipas metodologjisë Juventus. Dhe ajo nuk lidhet vetëm me anën teknike, por ti formojë këta fëmijë si futbollistë të ardhshëm”
Stafi do të përzgjidhet me kujdes, ashtu si ka shpjeguar Degortes, por në të ardhmen do të jetë mundësia që në Akademinë Juventus Tirana të punojnë edhe trajnerë italianë për më shumë eksperiencë. Natyrisht, bardhezinjtë nuk pretendojnë të kenë përfitimi nga kjo inisiative, por që është qartë një lëvizje për të përhapur edhe më shumë brandin Juventus nëpër botë, ndonëse këtu është gati po aq i njohur sa në Itali.
“Këtë javë kemi bërë një kurs informacionit për trajnerët që do bëjnë pjesë në Akademi - tha Degortes. Mes tyre është një trajner, që ka bërë kampin e para pak kohe këtu, ndërsa javën e ardhshme do të ketë një përzgjedhje më të plotë dhe po shohim mundësinë për të sjellë edhe ndonjë trajner italian. Sepse na intereson edhe të formojmë trajnerë të kualifikuar dhe për këtë po vlerësojmë mundësinë e bashkëpunimit me universitetin e sportit në Tiranë.”
Intersant është fakti i kompeticionit, sepse mes Akademive zhvillohet edhe kampionati Botëror, në të cilin Juvetus Tirana do të marrë pjesë, duke filluar nga viti i ardhshëm.
