Erdhi sërish kjo periudhë e vitit… E kemi fjalën tek sfilata ikonë e markës Victoria’s Secret e cila çdo vit, është një shfaqje me më shumë sekrete! Përgatitjet vazhdojnë, por ka mbetur shumë pak derisa ta shohim të realizuar. Këtë nëntor në datën 2, në ditën e Falenderimeve me plot surpriza.
Nëse jeni të apasionuar pas të brendshmeve sensuale që Victoria’s Secret përcjell në koleksionet e saj, më poshtë kemi renditur gjërat kryesore që duhet të dini, për një nga sfilatat më të përfolura në botën e modës.
1
Marka e njohur e bëri të ditur vendin ku do të zhvillohet sfilata, përmes një postimi në Instagram. Ashtu sikurse e dini edhe ju, një vit më parë shfaqja u mbajt në Shanghai në Kinë dhe shumë prej vajzave të njohura nuk mundën të ishin pjesë për shkak të vizës së refuzuar.
2
Veteranet e kësaj sfilate do të rikthehen, ky është një lajm i mirë për Lais Ribeiro, Martha Hunt, Stella Maxwell, Leomie Anderson, Cindy Bruna, Georgia Fowler, Ming Xi, Grace Elizabeth, Devon Windsor, etj
3
Në një postim në Instagram, modelja e njohur Winnië Harlow bëri të ditur debutimin e saj në sfilatën e radhës së Victoria’s Secret. Kelsey Merritt do të jetë gjithashtu modelja e parë filipinase që do të marrë pjesë.
4
Pas 17 vitesh modeling në shfaqjen e Victoria’s Secret, Alesandra Ambrosio konfirmoi tërheqjen nga sfilata me anë të një postimi në Instagram.
5
Ndërsa Bella Hadid ishte pjesë e sfilatës vitin e kaluar, këtë vit ende nuk është konfirmuar pjesëmarrja e saj. E njëjta gjë edhe me motrën e saj Gigin dhe Kendall Jenner.
