Gazetari Andi Bushati dhe pronari i Report TV, Carlo Bolino, janë përplasur të enjten në emisionin “Të Paekspozuarit”, lidhur me mënyrën se si çështja “Xhisiela” është trajtuar në media.
Sipas Bolinos, në televizionin Report Tv intervista e saj ishte brenda etikës së gazetarisë, por në Tv Klan dhe Top Channel ndodhi një “përdhunim” i Xhisiela Malokut. Bushati mendon krejtësisht ndryshe lidhur me këtë cështje. Ai u shpreh se intervista në Report TV ishte një turp për gazetarinë, se ajo mbrojti xhelatin në dëm të viktimës dhe se është një model që i duhet treguar studentëve se si nuk duhet bërë gazetaria.
Gjatë debatit të ashpër nuk kanë munguar edhe replikat mes gazetarëve.Bolino e etiketoi Bushatin si gazetar inkuizitor dhe militant, ndërsa Bushati ironizoi se Shqipëria nuk është BunkArt, por bunkeri i krimit.
Andi Bushati: "Shqipëria nuk është Bunker Art Carlo, por është bunker i krimit"!
Carlo Bolino: "Nuk e di cfarë ke me BunkArt, por është vendi turistik më i vizituar në Shqipëri".
