Në policinë e Fushë Krujës janë 8 apo 10 kamera, që filmojnë gjatë të gjithë ditës çfarë ndodh n Komisariat. Këtë fakt e zbuloi një ditë më parë, Emiljano Nuhu i cili tregoi se kamerat janë vendosur për shkak të sulmeve me tritol që i janë bërë komisariatit.
Pikërisht këto kamera ka kërkuar sot Partia Demokratike, sipas të cilës pamjet filmike provojnë se Taulant Balla ka qenë aty bashkë me Rrajat për të kërcënuar oficerin e policisë Emiljano Nuhu.
"Në 10 ditë 4 versione të ndryshme për vendndodhjen e Taulant Ballës, i cili u zhyt edhe më thellë me fallsifikimin e tabulateve të rreme telefonike që po përhap në media prej mbrëmjes së djeshme.
Atëherë çfarë e pengon Edi Ramën të publikojë pamjet që provojnë praninë e Taulant Ballës, Artur Bushit dhe Rexhep Rrajës në Policinë e Fushë Krujës?
Nënkomisar Emiljano Nuhu bëri publik faktin se atje ndodhen 8-10 kamera, të cilat kanë rregjistruar çdo lëvizje të datës 21 korrik" është shprehur Flamur Noka.
