Edhe pse po mbushen 2 orë nga vrasja që tronditi Tiranën me 1 të vrarë dhe 2 të plagosur policia është mjaftuar vetëm me një njoftim të shkurtër me 3 fjali.
“Më datë 04.10.2018, rreth orës 21:50, në zonën e “Bllokut” në rrethana ende të paqarta janë plagosur me armë zjarri dy shtetas dhe një tjetër ka mbetur i vrarë. Po punohet për zbardhjen e rrethanave të ngjarjes, identifikimin dhe kapjen e autorit/ve. Sapo të identifikohen do tua nis gjeneralitetet” – thuhet në njoftimin e policisë pa dhënë asnjë emër.
Lapsi.al mësoi se viktima është Rigers Gaxha ndërsa të plagosurit janë Ervis Martinaj dhe Leart Hasa. Të njëjtat burime thanë se Gaxha është badiguard i Martinajt. Nuk dihen ende rrethanat e ngjarjes se cilat janë motivet dhe mënyra se si ka rrjedhur situata. ©LAPSI.al
